image

Andemo papà

Dai ’ndemo, ’ndemo papà,
in Valpolesela:
te porto  a Negrar da “le sorele”
a magnar le paparele
co’ i figadini,
qualche goto de rosso,
e un quartin de recioto,
bon, bon che no se sà.
Te bastava poco
par èssar contento, papà.
E mi son qua rabià,
da quando te si ’ndà via,
son smonto come na vegna
dopo la vendemia,
gò el cor sensa poesia,
 fredo come na bastemia.
Ma dime papà, dime de preciso,
ghè lì su in paradiso
na val si bela
come la Valpolesela?
Se l’è così te sarè contento,
me par, come quando andàino a Negrar:
lì, de sicuro, i t’àvarà preparà de boto,
 le paparele,  bele giale,
un goto de rosso
e un quartin de recioto….

BRUNO ETRARI

 NULL

Tratto da: NULL

Data: 1/01/1970

Note: NULL