image

Natal 2013

Se ràmpega nuvole ne la note
spetando quel’ora che abrassa el mondo;
se spaca el cel e tremola le stéle
sóra Betleme e ne la freda stala
bàgola solo un lume. L’àrfio caldo
del bó e del musseto, scalda la tera …

Na cometa par che segna l’universo:
l’omo el troa la via che l’avea perso.

Riva gente de pace, e na stradela
la conduse verso la luce vera,
ghè anca Madre Teresa e Nelson Mandela,
e come un spiansio core na vosse:
l’è nato el Cristo el Re dei Re, e eco, sluse
più forte la stéla che s-ciara el cel …

Maria la guarda el Bambin co’ i oci del cor,
Giusepe el lo guarda co’ santo timor …

Lì ’nansi al me presepio, penso a Erode
che ancora ’desso el gira par le case:
che copa le done, el copa i butini:

Gesù, ferma l’omo ingordo de sangue,
dà speransa a ci gà qualche malan
e a cì traèrsa  un mar in serca de pan.

Dal presepio, co’ l’anima lisiera,
vao via e me sbrissia fora na preghiera:                                                                                                                                                            

                                   Ave Maria …                                               

Auguri di Buon Natale!

Che il profumo dell’abete e la magia del Presepe vi portino serenità e tante ore liete.

Bruno Etrari

 NULL

Tratto da: NULL

Data: 1/01/1970

Note: NULL