Mercoledì 2 Febbraio 2011 alle ore 16.00,

presso l’Auditorium della parrocchia di S. Pietro Apostolo:

“Verona attraverso gli occhi di A. dall’Oca Bianca”

a cura di Claudia Petrucci – storico dell’arte

Ma lo sèto ci ho sognà

de incontrar in via Capello,

tuto quanto intabarà

senza tele ne penelo!?

Co’ ‘na facia stralunada

e du oci da carbon,

fermo li a la cantonada,

rugolando ‘i so baston.

L’era lù, Madona santa!

ch’el vardava la so’ piassa,

l’era lù, Dall’Oca Bianca

pi sbiancado de ‘na strassa!

El vardava la so’ zente

che passava par la strada

no vedendolo  par gnente,

e nessun lo saludava.

No’l capia e, desgustà

l’ha fermato un vecio, un toso

“Son Dall’Oca, si, son qua,

son pitor e son famoso .»

Lù famoso? Ci elo ci,

mi, no me ricordo mia.

Mi son giovane e lù, sior,

no so gnanca ci ch’el sia.

Ah! Ve sio desmentegà,

veronesi senza cor,

quanto mi g’ho sfadigà

par sercar de farve onor!

Pur de aver un me sfrison

fato in prèssia, par schersar,

me pregavi in zenocion,

no savei più cossa far!

V’ho  lassà par i pitocchi

tuto quelo che ho sudà

ma, qua, vedo che ben pochi

de Angelin s’ha ricordà.

E tirandose ‘l tabaro

fin sul naso, el scapa via.

Piassa Erbe pianze amaro.

Mi me sveio. E così sia!

Bruna Andrioli Tescari