Poesie Dialettali

con la brillante partecipazione  una sala della parrocchiale si S. Pietro Apostolo, si è svolta mercoledì 7 aprile, una dizione di poesie dialettali tenute da Armando Lenotti, nell’ambito del progetto “letture ad alta voce”. Il simpaticissimo poeta è stato assai apprezzato dal pubblico presente. Il sottoscritto, amico di Armando, ha recitato alcune sue composizioni. E’ stato invitato a pubblicarle. Ecco fatto.

CAMINETO

Ciao caminetto sol de casa mia

vao star via…

T’è visto manine destese

che sercaa calor,

deventar sempre più grandi. .

Le to brase m’à scaldà

i sogni più bei

e i pensieri più bruti,

te i-è sisoladi proprio tuti.

El to fogo l’è sempre sta

onesto, discreto;

sii, qualche ’olta

te m’è brusà el tapeto

ma vuto che’l sia…!

Ricordo el to parlar

suto e alegro,

fato de s-ciochi e sdinse

vuto n’altra stèla,

vuto

’Desso che la casa l’è restà uda,

te me guardi

co’ la boca sbalancà, maraveià,

come par dir:

“Ma mi me lassito qua

Ò serà la porta

un par de scrochi…

e me son sugà i oci…

Bruno Etrari

L’OMBRELA

Ogni volta che piove o tira vento

me vien un nervoso, ’na balarina,

come gavesse qualcossa qua drento

che me fa un fià balar la petorina,

e tuta, tuta colpa l’è, in verità,

pa’ quel che m’è sucesso tanti ani fa.

Me vedo, poco più che buteleto,

parché quel giorno, Signor benedeto,

piovéa zò de roto e era sensa ombrela.

Pa’ vedar fora se rivàa la fiola,

l’era tardi e ghera zà pronto in tola,

so mare, che destin, l’à verto i veri

e vedèndome co’ la so butina,

la m’à dito: “Salo che era in pensieri,

no’l vorà mia star lì fin domatina..

Su, su, el se comoda el fassa la scala,

el staga chieto che adesso no’l cala …

Mi timido, sprovedù e sensa ombrela

a pensarghe me fasso quasi péna

ò passà la porta: ma che capela!

Insoma l’à volù che stesse a sena,

proprio par questo no l’è che me glorio.

Lì la m’à fato l’interogatorio,

davanti a la butela sempre sita,

mi poarin, rosso –rosso come un pito

El vecio, in un canto, el pensaa che drita

me moier, e podendo el m’avarìa dito:

Scapa, scapaaa, la te frega, sta tento…

E fora, sì, l’era sempre aqua e vento…

L’à volù saver el parché, el parcome

e se la casa ghe l’avea in afito,

e drento de ela, tirando le some,

l’à convegnudo ch’era un bon partitoe

e che in fondo andaséa la péna

de invidarme, furba, ‘n’altra ‘olta a séna.

Insoma, eco, l’avea preparà la taja,

pa’ bocon la gavea messo la fiola,

bastàva che mi becasse, che canaja,

e sarìa scatà de colpo la mola.

E così, sensa saverlo, boja d’un scheo,

m’ò trovà co’ l’anel infilà nel deo…

Bruno Etrari

CONSIGLIO

Butel, se te ve in batuda, atension,

po’ rangete, ste cose l’è va dite,

mai fermarte se piove in un porton,

ti ris-cia pitosto la polmanite,

o se anca l’è ‘na giornada gran bela,

bàdame, tote sempre sù l’ombrela..

Ma ’tento che ’sto truco no’l te ingana:

‘na mare se vol cassar sù la fiola,

la ghe riesse! Al mondo no’ gh’è rufiana

che possa menarla, par man, a scola…
Co’ l’ombrela o sensa, che sia istà o inverno,

ma no’ te salva gnanca el Padre Eterno…
Moreta, oci verdi, bela che no se sà

mi l’ò sposada quarantanove ani fa

BRUNO ETRARI
HTML text [ID 379]

La pregevole poesia che il “nostro” poeta ha dedicato a tutti gli amici del sito per il Natale 2011,

Grazie Bruno

NADAL

Vao sercando ne la note el sentier

tra sgrembani e tra sogni rovinadi dal tempo e,

co n’anima mesa fruà,

marcio tra gente che core…ma dove?

Also i oci al cel e guardo fra le stéle

e serco de trovar la più slusente:

la vedo finalmente,

l’è la più ciara;

ciapo la strada, tra pori pastori;

e via, camino in silensio con lori.

Nissun che parla, nissun me dà bado…

Ma gh’è un faro che s-ciara la me via

e che trapassa la note de i tempi

e po se spande e cuerze tuto el Creato

sora la vosse de mile profeti…

Na vecia stala, na Madona e un Bepi:

Eco, el presepio l’è za belo fato,

se ferma la stéla: Cristo l’è nato!

Aleluia

BRUNO

NATALE 2012

El me presepio

Se podesse far un presepio

che no’ stona,

lo ambiantaria, sensa sbaliar,

a Verona,

Sì, son sicuro che valaria

ben la péna:

par capana, eco mi ciaparia

la me Rena

par monti, i Lessini, che vista

che se gode…

Castel San Piero diventaria

quel d’Erode,

Po’ l’Adese co’ speiade drento

tante stéle,

ghe faria le stradine che va su

le Toresele,

par Bambin, el me dir el me par

ben sensà,

me farìa ’mprestar un boceta

deslatà,

par vera mama, bela e bona,

ghe metaria

Madona Verona, par Bepi,

ghe andaìa

là, là drento in quela staleta

tuta ’ngiassà,

quel bon omo de me papà,

par pastori

un fià gresi, mi ghe metarìa

proprio lori…

tuti, ma tuti i veronesi…

Bruno Etrari