I VERSI DEL BORGO

Questo Blog appartiene a: giovr98
Indice di questo blog
Articolo   CALZE E CALZETTI
pubblicato il 06.04.2017, 20:03:05. Categoria: non assegnata
CALZE E CALZETTI



Attenzione attenzione 

gh'è 'na grande novità 

i ha lancià 'n' allarme bomba

proprio in centro la città 



Un arabo barbuto 

smontado all'ospedal

ha lanciado un borson

proprio un centro al piazal 



Un signore preoccupado 

ha ciamà i carabinieri 

iè rivadi de scapon

insieme co i artificieri 



I ha deciso in un lampo 

de far saltar la borsa

sensa perdar un secondo 

"Svelti forsa via de corsa"



Subito fatto l'intervento 

i se varda un po' in giro 

gh'è un centinar de mudande,

domila calse, na penna biro



Altroché bombarolo 

quel l'era un tunisin 

'pena rivà a Verona 

par tastar el bon vin



Preoccupado del ritardo

de 'na valisa el s'ha desfà

a sentir ben el so sigo 

el disea "be ben alà"



No era mia un musulmano 

el pensava, poarin,

"se perdo sto bus qua

col piffero che beo el vin!"



È scoppiado un novo caso 

mille poliziotti impieghè

par recuper altrettanti 

calseti che iè spaiè.



Giovanni Vit 








Leggi tutto l'articolo

Articolo   Bondolaramenti
pubblicato il 30.03.2017, 23:44:44. Categoria: non assegnata
BONDOLARAMENTI


La domenica mattina 
sveiado dai casini 

de timpani, tamburi,

de flauti, tamburini 



E subito me penso

"l'è la festa dei bondolari "

e penso de catar 

i amici quei più cari



Me infilo 'na maieta

un par de braghetine 

e coro par la strada

schivando le lattine,



Saltando un par de buse,

'na caca 'nca d'un can,

spavento un poro rato

col so bocon de pan



Eco son rivado

sudado e col fiaton 

e vedo la la bondola 

la festa gh'è dal bon



No gh'è borgotrentini 

gh'è solo assessori

col papà del gnoco

che i fa foto da par lori



Ma dio che delusion

veder sol tanta gente

che magna in un quartier

del qual no ghe ne frega niente 



"Gabbato lo santo,

passada la festa"

l'è solo el casin

quel che ne resta



Giovanni Vit


Leggi tutto l'articolo

Articolo   CAMPETTO O CAMPONE
pubblicato il 06.03.2017, 17:28:40. Categoria: non assegnata
CAMPETTO O CAMPONE


In mezo a casermoni 

su un parcheggio sotterrà

gh'è un campo da calcetto 

belo, novo e abbandonà



El problema de sto spazio

come tanti in quartier

l'è che nol vien usado

e gestido con saper



Ovviamente li se cata 

ogni tipo de desolazion 

tossici, imbriaghi 

mai nissun col balon



Avanti de sto passo 

el campetto del pallone 

el se confonderà

co n'altro campo: el CAMPONE 



Ci sa mai che un dí

se sistema i casini

e vedaremo finalmente 

zugar solo i butini



Giovanni Vit 
Leggi tutto l'articolo   |  Commenti: 0

Articolo   EL GNOCO
pubblicato il 25.02.2017, 14:08:10. Categoria: non assegnata
EL GNOCO 



A verzar la sfilata

tra maschere d'un dí

se vede el poro sindaco

in groppa a un cavalin 



El saluda tuti quanti

con sorisi e allegria 

beendo un vin brûlé 

un sprissato, 'na sangria 



Tutto el tempo a cavalcioni 

a sto poro caval

vestido anca in mascara

come quei del bacanal 



Pensar che 'na volta

a verzar el carneval

era el papà del gnoco 

col musseto a camminar



Adesso in stile Tosi

la tradizion è cambià da poco

el papà 'desso l'è in fondo 

davanti è restà el gnoco!



Giovanni Vit

Questa riflessione solo per constatare le priorità di questa amministrazione! W il carnevale!
Leggi tutto l'articolo   |  Commenti: 0

Articolo   SE TE CATO...
pubblicato il 29.09.2016, 18:47:11. Categoria: non assegnata
SE TE CATO...



Da qualche giorno a sta parte

dei bastardi bontemponi 

i se gode a innervosirne 

a triturarne i COI...finestrini



In do' ho parcheggiá la me 600

proprio davanti al supermercato 

l'è lì che un deficiente 

el finestrin m'ha sfondato



I ha rebaltá su tutto,

i ha verto tutti i cassetti,

i ha fatto tutto sto casin

par un pacchetto de fassoletti 



'Sa vuto che tegna in macchina?

I gioielli della corona?

Diese o vinti milioni 

sconti sotto la poltrona?



Me piasaria un dì incontrarte 

par spacarte la testa 

magari te deventi savio

e te sbassi un fiá la gresta!



Giovanni Vit 
Leggi tutto l'articolo

Pagina 1 / 2 (1 - 5 di 10 Totale) Pagina successiva Ultima pagina
Il sito è promosso dall'Associazione "Abitare Borgo Trento"- onlus ed è sostenuto - come progetto di solidarietà locale - dal Centro Servizi di Volontariato (CSV) di Verona.

Alcune immagini sono tratte da internet, se il loro uso violasse diritti d'autore, lo si comunichi all'amministratore che provvederà alla loro rimozione.
I contenuti vengono aggiornati senza alcuna periodicità. Questo sito non va dunque considerato un prodotto editoriale ai sensi della legge n° 62 del 7/03/2001

facebook

Cookie Policy - Privacy Policy
12 Novembre 2009 BORGO TRENTO - Verona